Azərbaycan Respublikasının vətəndaşlarıyıq. Sürətlə inkişaf edən zəngin mədəni bir dövlət.
Sürətlə inkişaf etməyimizə baxmayaraq bir çoxlarımız hələdə adətlərlə yaşamaqdayıq. Keçmişi sevmək və hörmət etmək bizi bəzən çaşdırır.
Qadınların hüquq problemləri araşdırması zamanı bir sualla rastlaşdım. Ölkəmizin bəzi regionlarında qəlbində Allah qorxusu olan insanlara qarşı qoyulan qanunlar və qadağalar məni təəccübləndirdi. Hələdə dini hədə-qorxu kimi istifadə edənlərin olduğunu bilmirdim. Problemə gəldikdə isə qadınların tələq haqqı, yəni boşanma haqqının olmaması idi. Qadın heç bir halda boşanma tələb etmək hüququna malik deyildi.
Bəzi qadınla sevmədiyi insanlarla fiziki zorakılığa, ağır təhqirlərə, aclığa və əzazil münasibətlərə dözmək məcburiyyətində idilər. ərləri tərəfindən mal-mülk kimi istifadə edilən qadınlar ən çətin hallarda belə ata qardaşları tərəfindən qəbul edilmirdilər.

Dünyada ən müqəddəs və insanlara lazım olan münasibət. Kişi və qadın bərabərliyinin halal və qanuni formasıdır. Yəni evlilik. Lakin bu münasibəti düzgün qurmaq üçün diqqət tələb edən amillər var.
Birinci odur ki, ruh azaddır. Yəni ruhun zorlanması mümkün deyil. Evlilik ruhun əsas qidalarından biridir. Heç kim ruhu zorla doyuzdura bilməz. O öz istədiyi ilə qidalanmalıdır. Bu qida isə göz, qulaq, burun və dodaqla təsir edir.