Fidanımızı qucağımıza alıb evə gətirdiyimiz gün gözümüzü ondan ayıra bilmirdik. Atası ilk günlər hətta qucağına almağa da qorxurdu, sonralar ehmalca ,yavaş-yavaş öyrəndi. Fidan bizim ən gözəl varlığımızdır, deyə bilərəm. Evliliyimizin ilk aylarında çox sevərək ailə qursam da bəzi tərəddüdlər yaranmağa başlamışdı məndə. İndi isə hər dəfə qızımıza baxdıqca çox şükr edirəm. Şükr edirəm ki, ailəmizin gözəl ətirli, solmaz çiçəyi var. Onu evə gətirdiyimiz ilk gün atası ilə gecəni yata bilmədik... saatlarla izlədik qızımızı, sanki inana bilmirdik...

Deyirlər həyatda ən böyük xoşbəxtlik can sağlığıdır. Bizdə belə düşünürdük, övladımız dünyaya gələnə qədər.

Nərminə : Əvvəllər hamilə qadın görəndə ayağa durub ona yer verməklə kifayətlənirdim. İndi isə hamilə qadınlara müqəddəs varlıqlar kimi baxıram. İnsanın həyatında illərə bərabər, keçmək bilməyən 9 ay. Tamamı ilə fərqli düşüncələr, həssaslıq yaradan, bütün hadisələrə qeyri adi reaksiya verilən və ən əsası isə insana sanki başqa bir aləmdən baklıq, məsunluq, gözəllik gətirən dövr. Bəlkə də insanın bətnində gəzdirdiyi balaca mələyin təsirindəndir.

Zaur: Biz 2008-ci il 9 avqustda ailə qurduq. Lakin yuva olmağı bu 9 ay ərzində yaşadıqlarımız və paylaşdıqlarımız sevinc, hüzün nəticəsində bacardıq...