«Plastos» sözündən götürülən plastik cərrahiyyə yunan dilində «şəkil vermə» anlamına gəlir. Müasir həyat tərzinin ayrılmaz tələbinə çevrilən plastik cərrahiyyənin artıq 600 ildən artıq yaşı vardır. Nə qədər inandırıcı olmasa da «Plastik cərrahiyyə» ilk dəfə Hindistanda həyata keçirilməyə başlayıb. Nisbətən müasir üsullarla plastik cərrahiyyə əməliyyatina isə 19-cu əsrdən etibarən başlanılıb. İlk büst əməliyyatı da 1669-cu ildə edilsə də, bu sahədə uğurlu əməliyyata 1900-cü ildə nail olunub. Plastik cərrahiyyə ən çox ikinci dünya müharibəsi illərində aparılıb. Dünya müharibəsi savaşlarında müxtəlif orqanlarını, bədən əzalarını itirənlər üzərində transplantasiya əməliyyatının uğurları məhz həmin dövrə təsadüf edir. İlk liposaksiya (yağların çıxarılması) qarın nahiyəsində aparılıb. Silikon protezlərin istifadəsinə isə ilk dəfə 1963-cü ildə başlanılıb.